WIWI.GE პლატფორმის პრეზენტაცია სომხეთში, WineTech Innovation Summit 2025-ზე

24/07/2025

2025 წლის 22 ივლისს, სომხეთის ტბა სევანის ფესტივალის ქალაქში ჩატარდა WineTech Innovation Summit 2025 - რეგიონში ერთ-ერთი ყველაზე მასშტაბური და ინოვაციური ღონისძიება, რომელიც ღვინის ინდუსტრიაში ციფრული ტექნოლოგიების განვითარებას ეძღვნება.

მოხარული ვართ გაცნობოთ, რომ ღონისძიებაში მონაწილეობა მიიღო ჩვენი ასოციაციის „ქალები ღვინის ინდუსტრიაში“ ბორდის წევრმა ია იმერლიშვილმა, რომელმაც წარადგინა WiWi.ge - ასოციაციის ახალი ვებპლატფორმა, რომელიც ემსახურება ღვინისა და აგროტურიზმის სფეროში მომუშავე ქალების გაძლიერებასა და პოპულარიზაციას.

ია იმერლიშვილის პრეზენტაციის თემამ - „WiWi.ge - ციფრული პლატფორმა, რომელიც აძლიერებს ქალებს ქართულ ღვინოსა და აგროტურიზმში“ - განსაკუთრებული ინტერესი გამოიწვია მონაწილეთა შორის და კიდევ ერთხელ გაამახვილა ყურადღება იმ როლზე, რასაც ქალები ასრულებენ საქართველოს მეღვინეობასა და აგროტურიზმში.

WiWi.ge-ის შექმნა შესაძლებელი გახდა გერმანიის მთავრობის ფინანსური მხარდაჭერითა და გერმანიის საერთაშორისო თანამშრომლობის საზოგადოების (GIZ) აქტიური მონაწილეობით. პლატფორმა განვითარდა ორ მნიშვნელოვან პროექტის ფარგლებში:

  • “მცირე და საშუალო საწარმოების ციფრული ტრანსფორმაცია აღმოსავლეთ პარტნიორობის ქვეყნებში” (DT4SME)
  • “VET in Georgia’s Growth Sectors”

ღონისძიებაზე მონაწილე საერთაშორისო ექსპერტებმა ისაუბრეს ციფრული ინოვაციების მნიშვნელობაზე, გეოგრაფიული აღნიშვნების დაცვაზე, მდგრად პრაქტიკებსა და ღვინის ტურიზმის განვითარების პერსპექტივებზე. კიდევ ერთხელ დადასტურდა, რომ ღვინო მხოლოდ სასმელი არაა - ის კულტურული მემკვიდრეობა და ეკონომიკური განვითარების სტრატეგიული მამოძრავებელია.

ჩვენ ვამაყობთ, რომ ჩვენი ასოციაცია წარმოდგენილი იყო ასეთ მაღალპროფილურ პლატფორმაზე და მადლობას ვუხდით ორგანიზატორებს ამ შესაძლებლობისთვის.


სიახლეები

წევრები

გოგონა

გოგონა ფანჩულიძე

შატო დემი
ქეთევან

ქეთევან ალადაშვილი

ქეთევაინი
თამარ

თამარ მოსიაშვილი

მამისეული მარანი
სალომე

სალომე მანძულაშვილი

მანძულას მარანი
ნინი

ნინი ჩხეიძე

სიმონიკა - ჩხეიძეების ღვინო
ანი

ანი ჩუთლაშვილი

ულევარის ველის მეღვინეობა
მირანდა

მირანდა ჩხეტიანი

მირანდას ღვინო
თამარ

თამარ ხვედელიძე

მარანი ორთა
თამარ

თამარ გურგენაშვილი

მარანი თამარინი
ნათია

ნათია ომიაძე

საოჯახო მეღვინეობა ვაინ ველი
თინათინ

თინათინ ჯახუა

მარანი თინათინ
ნანუჩი

ნანუჩი სხულუხია

იმერეთის მარგალიტი