2018 წელს, პროფესიით კომპიუტერულმა ტექნოლოგმა, თინათინ ჯახუამ დააარსა მარანი „თინათინი“. მარანი კახეთში, საგარეჯოს რაიონის მომხიბვლელ სოფელ ბადიაურში მდებარეობს. სწორედ ამ სოფელშია გაშენებული თინათინის ვენახები, სადაც ხარობს საფერავი, რქაწითელი, მწვანე კახური და სხვა უნიკალური ქართული ჯიშის ყურძენი.
თინათინის სიყვარული მეღვინეობისადმი ბავშვობიდან იღებს სათავეს. მის ოჯახს მუდამ ჰქონდა საკუთარი ვენახი და ტრადიციულად ამზადებდა ღვინოს პირადი მოხმარებისთვის. ამ გატაცებაში განსაკუთრებული როლი ითამაშა მისმა ბებიამ, ასევე თინათინმა, რომლის სახელიც უკვდავყოფილია მარნის სახელწოდებაში.
2016 წლიდან თინათინმა გადაწყვიტა საფუძვლიანად შეესწავლა ღვინის ტექნოლოგია, მევენახეობა-მეღვინეობის ხელოვნება და დეგუსტაციის დახვეწილი პრინციპები.
„თინათინის“ ღვინო წარმატებით მონაწილეობს მრავალ გამოფენასა და ფესტივალში, როგორც საქართველოში, ისე მის ფარგლებს გარეთ. მარნის პროდუქცია უკვე ექსპორტზე გადის ამერიკასა და ინგლისში.
მარნის ასორტიმენტი:
