ახალი ღვინის ფესტივალი - 2023
14/05/202413 მაისს, მთაწმინდის პარკში, "ახალი ღვინის ფესტივალი 2023“ გაიმართა. ფესტივალს, ტრადიციულად, "ღვინის კლუბმა" უმასპინძლა. ფესტივალის მხარდამჭერებს შორის იყვნენ ღვინის ეროვნული სააგენტო, ქალაქ თბილისის მუნიციპალიტეტის მერია, გერმანიის საერთაშორისო თანამშრომლობის საზოგადოება (GIZ) და ასოციაცია „ქალები ღვინის ინდუსტრიაში“ (WIWI). ახალი ღვინის ფესტივალში ასოციაცია „ქალები ღვინის ინდუსტრიაში“ წევრი ქალბატონებიც იღებდნენ მონაწილეობას. მათ სტუმრებს ბოლო მოსავლის (2022 წ.) ახალი ღვინო გაასინჯეს. ახალი ღვინის ფესტივალის მთავარი იდეა ქართული ტრადიციული ქვევრის ღვინის პოპულარიზაცია, ახალი ჯიშებისა თუ ადგილების აღმოჩენა, საქართველოში ღვინის განათლების დონის ამაღლება და სამომხმარებლო კულტურის განვითარებაა. ახალი ღვინის ფესტივალს, მწარმოებლების გარდა, ქართველი და უცხოელი ღვინის პროფესიონალები, ღვინის მწერლები, ღვინის ბარ-რესტორნები და მოყვარულები სტუმრობდნენ.
