ვაჭრობისა და ეკონომიკური საკითხების ფორუმი ბრიტანეთის პარლამენტში
23/06/20242023 წლის 22 ივნისს, ასოციაცია „ქალები ღვინის ინდუსტრიაში“ საპატიო სტუმრის სტატუსით მიწვეული იყო ბრიტანეთის პარლამენტში, ლორდთა პალატის მიერ ორგანიზებულ ვაჭრობისა და ეკონომიკური საკითხების შესახებ ფორუმზე. ფორუმის ფარგლებში, საქართველოს ელჩის გაერთიანებულ სამეფოში, სოფიო ქაცარავას აქტიური მხარდაჭერით, ასოციაციის წარმომადგენლებმა მონაწილეობა მიიღეს მიღებაში, რომელიც მიზნად ისახავდა ბრიტანეთში ქართული ღვინის პოპულარიზაციას.
აღნიშნულ ღონისძიებაზე ასოციაციამ წარმოადგინა მისი წევრი ქალბატონების მიერ წარმოებული უნიკალური და მრავალფეროვანი ქართული ღვინო, რითაც ხაზი გაუსვა ქალების მნიშვნელოვან როლს ქართულ მეღვინეობაში და ხელი შეუწყო ქართული ღვინის ცნობადობის გაზრდას ბრიტანულ ბაზარზე.
მიღებას ესწრებოდნენ ბრიტანეთის პარლამენტის ლორდთა და თემთა პალატის წევრები, დიპლომატიური კორპუსისა და ბიზნესის წარმომადგენლები, რომლებმაც დააგემოვნეს ასოციაციის წევრების მიერ წარმოებული ღვინოები და დადებითად შეაფასეს მათი ხარისხი და მრავალფეროვნება.
ასოციაცია „ქალები ღვინის ინდუსტრიაში“ აგრძელებს აქტიურ მუშაობას ქართული ღვინის პოპულარიზაციისთვის როგორც ადგილობრივ, ისე საერთაშორისო დონეზე, და მიზნად ისახავს ქალი მეღვინეების როლის გაძლიერებას და ქართული ღვინის უნიკალური კულტურის წარმოჩენას.
