ქალები ღვინის სექტორში - გერმანიის საელჩო თბილისში სტატიას აქვეყნებს

ტრადიციულად, საქართველოში უმეტესად მეღვინეები მამაკაცები არიან. მიუხედავად ამისა, ქალებიც გამოირჩევიან თავიანთი მეღვინეობით და იმსახურებენ მათი ღვინის წარმოჩენას. ზუსტად ამიტომ, 2018 წლიდან GIZ მხარს უჭერს ქალებს ღვინის სექტორში.
ქალები ღვინის ინდუსტრიაში (WIWI) 40 მეღვინე ქალს აერთიანებს. GIZ მხარს უჭერს ასოციაციას სათანადო სტრუქტურისა და სერვისების შემუშავებაში, ქართველი მეღვინე ქალების ღვინის პოპულარიზაციაში. აგრეთვე, ზრუნავს მისი წევრების შესაძლებლობების გაძლიერებაზე ტრენინგების მეშვეობით და საერთაშორისო კავშირების გაუმჯობესებაზე.
2023 წლის მაისში, ამ თანამშრომლობის ფარგლებში, მეღვინე ქალებს შესაძლებლობა მიეცათ მონაწილეობა მიეღოთ ორ გამოფენაში: ახალი ღვინის ფესტივალი თბილისში და ქართული ღვინის გამოფენა ლონდონში. ლონდონის გამოფენებსა და ღონისძიებებში მონაწილეობამ ქალ მეღვინეებს საშუალება მისცა, თავიანთი ღვინო წარედგინათ უცხოელი იმპორტიორების/მყიდველების, ღვინის ჟურნალისტების, ბარების/რესტორნების წინაშე და მოეხდინათ ბაზრის დივერსიფიკაცია. WIWI-ის ინიციატივამ და ქალების მიერ წარმოებულმა ღვინოებმა განსაკუთრებული ინტერესი გამოიწვია ვიზიტორებისა და პროფესიონალების მხრიდან.

წყარო: Deutsche Botschaft Tiflis გერმანიის საელჩო თბილისში