ასოციაცია „ქალები ღვინის ინდუსტრიაში“ წარმატებით წარსდგა ბორდოსა და პარიზში

ასოციაცია „ქალები ღვინის ინდუსტრიაში“ (WIWI) აქტიურად აგრძელებს ქართული ღვინის პოპულარიზაციას საერთაშორისო ასპარეზზე. 26-28 ნოემბერს, ასოციაცია საქართველოს წარმოადგენდა ღვინის საერთაშორისო გამოფენაზე Vinitech-Sifel 2024, რომელიც ბორდოში გაიმართა. ეს იყო მნიშვნელოვანი შესაძლებლობა ქართველი ქალი მეღვინეებისთვის, წარმოეჩინათ თავიანთი პროდუქცია საერთაშორისო ასპარეზზე.

გარდა ამისა, 29 ნოემბერს პარიზში, რესტორან „სუფრაში“ ასოციაციის წევრების ღვინის დეგუსტაცია გაიმართა, სადაც დამსწრე საზოგადოებამ ქართული ღვინის მრავალფეროვნება და ხარისხი დააფასა.

ეს ორი მნიშვნელოვანი ღონისძიება ხაზს უსვამს ქართული ღვინის პოტენციალს და ქალი მეღვინეების მნიშვნელოვან როლს ამ სფეროში.